L'histoire du château

2 - Lettres patentes du Roi Henry IV

Henry par la grâce de Dieu roy de France et de Navarre Comte de Prouvence et de Forcalquier et terres adjacentes à nos amez et féaulx les gensde nez comptes ettrésoriers génêraulx deFrance au dict pays de Provence Salut. Nouz désirant bien favorablement traicter notre cher et bien amé Louys Lombard advocat en notre Cour de Parlement de Provence, en considération des bons services qu'il nous a faictz cy devant à la réduction et conservation des places de nostre dict pays en nostre obéissance et en faveur de nostre très cher et amé cousin le Duc de Mayenne. A ces causes nous voulons et vous mandons que par celluy de noz receveurs ou autres qu'il appartiendra vous faictes tenir quicte et descharge le dict Lombard de tous et chacuns les droictz de lotz, arrière lotz, quintz et requintz et aultres seigneuriaulx à nous advenus et escheuz, ou qui escherront à cause de l'acquisition par luy faicte ou à faire de la terre et seigneurie de Gourdon de Loys etAnnibal de Bourillon, sise aux Vigueres de Grasse la dicte terre tenue et mouvante de nous à cause de [notre Comté de Provence]; desquelz droictz à quelque somme et valleur qu'ils se puissent monter nous luy avons faict et faisons don et remise par ces présentes signées de nostre main, rapportant lesquelles avec certiffication de la jouissance du dict don au dict Lombard tant seullement ; nous voulons le dict receveur ou autre acqui ce pourra toucher en estretenu quicteetdedescharger en ses comptes parvous gens de nos dictz comptes. Vous mandons ainsi le faire sans difficulté cartel est nostre plaisir, nonobstant quelzconques ordonnances laides sur l'ordre et distribution de noz finances et que telz et semblables deniers soyent affectez à noz bastimens et ailleurs et les semblables dons ne doisvent estre passez et allouez que pour la moictié ou le tiers, mandemens, deffences et lettres à ce contraires, ausquelles nous avons desrogês et desrogeons. Donné au camp d'Amyens le trentième jour de Aoust, l'an de grâce mil cinq cens quatre vingtz dix sept et de notre règne le neufvième.

(signé) Henry

Par le Roy Comte de Prouvence Forget

Page précédente - Page suivante